Kounsikahan ginawo songulun Tambalut

  Id kinantakan do kinosusuonku...24september..
           Nopurimananku kinosusuonku do toun diti olumis totomod-tomod sebab di kinohinaan songulun 
tambalut di olumis id koposionku...Ie hongo minanahak do kanawahon diti koposionku,minanahak do kotoodon diti koposionku,minonodu diti koingoritan koposionku...
          Au oku komilo popolombus om popokito songkuro panangkabayahan ti ginawoku kumai dau..Nung milo daa,patahakonku ti koposionku,ginawoku monuli di kinosonongo di ginawo dau..
          Tambalut di Koupusanku..........Ontok diti kinosusuonku..Pinapatahak ko,pinopokito ko songkuro linumis ginawo nu kumaa diti piombolutan to..Pinoilo oku dia songkuro linumis oku id ginawo nu..Om pinopoilo ko doho songkuro linumis ginawo nu diti piombolutan to..
         Baino manangkabayahan oku di minamangun,pinopoimbulai ko id koposionku..Onuai okud kasampatan
monuli di kinosonongo dino ginawo nu..
         Tambalut di Koupusan........Siou..Oilaanku om opurimananku asaru oku poporuol dino ginawao nu,
asaru oku popoturu dino romou mato nu om asaru oku popotogod dia..Nga ilaai no suang ginawoku..Oupus oku dia sontob diti ginawoku..Nung milo au kuda pologoson ia do osinduol toririmo..
          Nga nung kaa...Yoku okon ko songulun di otulid id koposionku..Yoho sondiri oporulu oku haro mangahak doho tumoguang diti koposionku...
          Siou dia ambalut dit koupusanku.....

Kounsikahanku Id kinosusuon..24september

    Kounsikou oku lobi pogulu kumaa di tina om tapa ku.Baino hino oku id pomogunan diti sebab diyolo..Om kounsikou nogi togina-gina kumaa di Minamangun tu baino tanak oku d molohingku mantad di berkat koduo di longon diyolo nokoingkakat oku songulun di tanak do kalazahon,tanak di tolumis id pogintangan diyolo id asaru id ginawo diolo,id asaru id pomuhandaman diolo..

            Pounsikou dokoyu oi ama om apa..Baino komilo okuno momogompi ti koposionku sondiri mulong piad ogumu e pogumbalan do korikot id salom koposionku..Id piiman imanon dokoyu mantad di tokoro okupo,ie honggo moi da yokoyu do kajadi oku di songulun d bontugan id ginawo dokoyu..Monuli di kapayahon dokoyu do pinopagayo doho..Nga kuro ka id ginawoku..Siou dokoyu tu gisom no hiti ie miloku pokitonon diti koimoyoonku mantad di koingoriton koduo di longon dokoyu..

           Baino okitanan dokoyu monompori-pori okuno id diti koposionku..Id salom oku,sumowoli di koingoritan dokoyu pinapagayo dahai..

          Baino kopuriman oku,songkuro noingorit ginawo,tinan om koposion dokoyu minomogompi dahai..Lasu dokoyu luminuyung id pingas do monikid tikid tadau,mogihum do koimayahon,mogihum do kasanangan do koposion tanganak do tohuri tadau..

          Baino,nawayaanku nodi poinkuro oku mogompi diti lominonku..Opurimananku yoho songulun tina,asaru oku kasadu,asaru oku oingorit,asaru oku orualan..Au oku komilo poinkuro oku momogompi diti paganakanku..Au oku komilo poinkuro oku jumadi songulun tina id olumis id pogintangan koruhangku,tanganakku..Minamangun tulungo oku mongigit diti ginawoku do amu koinsodu mantad diti pomusarahanku id lumangkab diti paganakanku..Naiyan okunod pomusarahan do poinkuro poposonong diti piginawaan id pikoruhangan dahai...

          Ama om apa tulungo oku do baino..Au oku komilo do popolombus rinuol diti ginawoku dit amu oompus-ompus id koposionku,kumai dokoyu...Aso kokuatanku popolombus kumaa dokoyu..Nga nung insan tadau,araag ti koposion dahai id salom do pikoruhangan..Mengharap oku,amu okuda dokoyu sosolon om salaon.Ompunai okuno sontob ti ginawoku...

Popolombus sinduol ginawo

         Nokuro tu oporlu ginawoku osinduol...Au oku kooit mongigit rinuol ti ginawoku..Au oku komilo tumimbaba ti koposion dung otilombus irad diti..Tulungo oku,.onuai oku kokuatan,onuai oku sisimbar poinkuro om kumuro oku do olumis id pogintangan nu,id pomusarahan nu..
       Di pogulu,nokoboros ti ginawoku do au kotimbaba diti rinuol ginawo..Au oku popokongsi ti tupus ku kumai sosongulun sebab modosi do oingorit...Nga kuro ka ti koposion om ginawo au milo iduon,tulun oku koubasanan amu oku milo popoidu ti ginawoku do mupus...Kasasari oporulu oku songulun di milo ku sondihon,e karati suang ti ginawo,e karati songkuro rinalom ti tupusku om e karati ti ralan do koposionku...Tulungo oku,.mongigit ti tupusku kada oilihan ti longonku,kada atagak tid koposionku..
         Rotio no saralom-ralom songkuro oku oupus dia,songkuro ginayo ti tupusku...
Nung insan tadau kopitongkiad to,soroho no...nokotulisku ie ngaran nu,au ku lihuan ie nawayaan to,au ku langkaban tupus ku ie dia,au ku patagakon ngaran nu om tupus nu id ginawoku...
        Iso haraponku..Kada pomusorou do momingpupus ti nunu nowonsoi to...Potilombus om potilombuso no sogigisom kada podulio id songinsomok, di boros-boros om di mato-mato sebab iri no e mamaraag dit piupusan...
                   " Pounsikou haro ko id koposionku....."

Koposion id longon minamangun

Posondiho no koposion tokou saaie2 di minamangun..Oilaan tokou koposion amu oilaan songira do

    opupusan..nga soroho tokono ieyauh e minomonsoi toku.... kada sia-siao ti koposion..

Sundung aratu ingkakat no,sundung ahaba tunggag no..kada toboyo ie koingoritan do mamaraag diaa..