Tanak koupusan do kotuahan

Isai tamu kopuriman diti koposion tokou..Soira kagambar miampai di tanak,kosorou nogi songkuro no linaid diti koposion do nakatalib..
     Tanak ku di nokopogulu amu nopurimanan hanom koirad di molohing dau..Soira mintong diti gambar baru kasadar do nokoingkawas noti tumur...Asapat nangku ti tadau tumalib ko ginumu buruon gisom do au nopurimanan nangkagayo no ti tanganak...Poinkuro pia,manangkabayahan oku di minamangun tu nonuan oku tinan di alangkas po tomod om nonuan diti tumur dot tanaru..Nung milo daa manu okuda om kokito oku  lo tanganak ku gumayo om gisom do koilo mimborulu do koposion om kokito di koposion dit tolumis ie kosogit do ginawo molohing..Tanganak diti mulong ogumu po tamu dolo korotian diti kowoyo woyoon do pomogunan nga otumbayaan oku koinsanai diyolo nga asaru mintutun mingilo ilo nunu nopo ie tabantalan..Piman imanon koinsanai do molohing,ilo nopo tanganak diti nga kopuriman songkuro tupus do molohing dau id salom mogompi diyolo....Siou tu haro nopo bohiton dokoyu kumai diti pontudukanku..

Tanak do kalansahan id tohuri

Sadamot oku mala wala kumai di tangaanak suai..mintogod do amu monusi di kasut diyolo..kangku minintong nga hilo no e Vanissa monusi dilo kasut dau..
     Kosudu nga kalazau do  ginawo soira kokito do tanak apat toun ki rongod do ginawo monusi do kasut dau sondiri..Alansan dad gumayo gayo nga tumamba tamba dilo rongod dau do komilo do mindali dali do koposion dau sondiri..Pounsikou di Minamangun tu pinatahak diti kolumison mantad di winonsoi dau..

Sempena majlis Convokesyen di UMS

Mulong piad ohuyan popoindalan dot buruon menambut dot tulun om papatahak do sijil id salom duo tadau...Haro kasaie ginawo do monguhup kombolutan momuhu di koinsanai ie buru buruon mantad do kolej pogulon kawagu..Iti no tadau do kolimpupuson convo..
     Mulong piad okuri yahai maso diti nga panangkabayahan kasaie e ginawo tu haro om okito ie piniisaan do ginawo mogi uhup uhup do kumaraja mulongpiad songiso iso hari bohiton do pogkoruol do tinan..
     Iti no komoyon do haro pisompuruan id tiso om tiso...Kounsikahan.....