Manu okuda miagal lo bunga koduhung sumuni nga sumuni yau alazou..sebab nakaanu yau titamong mantad di pomogompi do olumis..so ninaru yau id salom titigompi au yau mumbal do rumiou sebab noponuan yau lisi mantad di sanganu dau..
Amu yau siumbal do rumiou sebab oilaan dau koruol do ginawo soira yau id salom titigompi..monikid kosuabon sodopon kaanu yau dit koposion dau id pi iman imanon dau monikid tadau sebab piguli gulian yau mamarayou om momugang.
Nung kiharo koposion miagal diri au ku oilaan om au ko osorou poinkuro kinopuahango id ginawo..it aiso o poporuol om aiso ie koruol om au kopomoruol..songkuro linumis koposion do miagal diri..nga nu ka gia..semakin lumaid nga semakin au koilo mulud o tulun...tu nokuro? Kiharo gia d ginawo do sumolon ginawo di obingraatan, ginawo dit au monsoi au mulud..koilo om kopuriman yau au koontok nga posotolon dau id korohian dau..soira irad di, kowonsoi nondo piyoduahan pitagadan om tohuri nopo nga piisoduan ginawo..soira kopisodu ginawo onsoi nondo pitongkiadan....om opupusan nondo ie piniupusan di winonsoi dit togirot..yod ti no koposion do tulun soira aiso pitorunungan om piuludan om piinsisimadan..soira aiso monginsamod..woyoon nondo ie ginawo dau sondiri..om naraag no di ie binatos di tolumis ie d pogulu..
No comments:
Post a Comment